“Şamaxı” klubunun baş məşqçisi istefa verib

“Şamaxı” futbol komandasının baş məşqçisi Vüqar Əsgərli istefa verib.

Bizim.Media xəbər verir ki, bu barədə Klubdan məlumat verilib.

Məlumata görə, mütəxəssis I Liqanın 9-cu turunda evdə “Karvan”a 2:4 hesablı məğlubiyyətdən bu addımı atıb.

Klub rəhbərliyi ilə görüşən çalışdırıcı ilk dövrədən sonra qazanılan nəticəni qənaətbəxş saymadığına görə komandadan ayrılmaq istədiyini bildirib. Müzakirədən sonra baş məşqçinin istefası qəbul edilib.
Qeyd edək ki, “Şamaxı” klubu 9 turdan sonra 15 xalla turnir cədvəlinin beşinci pilləsində qərarlaşıb.

Bizim.Media