“Qarabağ”ın legioneri “Bayer”ə qarşı OYNAYA BİLƏR 

"Qarabağ" Avropa Liqasının qrup mərhələsində oktyabrın 26-da keçiriləcək "Bayer"lə səfər matçına tam heyətlə hazırlaşır.  

Bizim.Media xəbər verir ki, millidən zədəli dönən monteneqrolu yarımmüdafiəçi Marko Yankoviçin komandayla birgə məşq etməsi sevindirici məqamdır.  

Sadəcə, onun Leverkuzendəki görüşdə oynayıb-oynamayacağı artıq baş məşqçi Qurban Qurbanovun qərarından asılı olacaq.  

Eləcə də son vaxtlar zədəli olduqlarına görə millimizə çağırlmayan mərkəz müdafiəçiləri Bəhlul Mustafazadə ilə Bədavi Hüseynov haqda bunu deyə bilərik.

Ağdamlıların digər monteneqrolu legioneri - sağ cinah müdafiəçisi Marko Veşoviç isə bir müddətdir komandayla məşqlərə qatılsa da, hələ də oyun praktikasının azlığından əziyyət çəkir. Belə olan halda, onun "Bayer"ə qarşı oyunda meydana çıxması real görünmür. 
Xatırladaq ki, "Qarabağ" Bakıdakı hazırlığını başa vuraraq bu axşam Almaniyaya yollanacaq. 

Rəşad Rafiqoğlu, Bizim.Media