Türkiyə Superliqasında IX turun oyunları davam edir.
Bizim.Media xəbər verir ki, bu gün daha dörd oyun keçirilib.
Çempionatın lider komandası "Fənərbağça" öz meydanında "Hatayspor"u qəbul edib.
Qarşılaşma İstanbul təmsilçisinin 4:2 hesablı qələbəsi ilə başa çatıb. Meydan sahiblərinin heyətində qolları 7-ci dəqiqədə Sebastyan Şimanski, 15-ci dəqiqədə Osayi Samuel, 39-cu dəqiqədə Edin Ceko və 63-cü dəqiqədə İrfan Can Kahveci vurublar.
Qonaqlardan isə 55-ci dəqiqədə Fauzi Qulam və 90+4-cü dəqiqədə Rayan Abid fərqləniblər. Hatay təmsilçisinin heyətində meydana start heyətində çıxan Azərbaycan millisinin hücumçusu Renat Dadaşov sonadək əvəzlənmədən oynayıb.
Bu mövsüm Superliqada keçirdiyi 9 oyundan 27 xal toplayan "Fənərbağça" turnir cədvəlinə başçılıq edir. "Hatayspor" 14 xalla altıncıdır.
Günün digər matçlarında "Kasımpaşa" səfərdə "Sivasspor"a 1:0, "İstanbulspor" evdə "Ankaragücü"nə 2:1 hesabı ilə qalib gəlib, "Samsunspor" isə "Başakşehir"lə qolsuz heç-heçəyə razılaşıb.
Bizim.Media
- A-
- A
- A+
İdman
23:07 / 22.10.2023
“Fənərbağça” Superliqada ardıcıl 9-cu qələbəsini qazandı
Hazırda oxunan: “Fənərbağça” Superliqada ardıcıl 9-cu qələbəsini qazandı
Hazırda oxunan: “Fənərbağça” Superliqada ardıcıl 9-cu qələbəsini qazandı
161043
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
