AVRO-2024: Milli komandamız Avstriya ilə qarşılaşır

Hazırda oxunan: AVRO-2024: Milli komandamız Avstriya ilə qarşılaşır

160020

Bu gün Azərbaycan millisi AÇ-2024-ün seçmə mərhələsi çərçivəsində növbəti matçına çıxacaq.

Bizim.Media xəbər verir ki, Canni De Byazinin çalışdırdığı yığmamız evdə Avstriya ilə üz-üzə gələcək.

Bakıda baş tutacaq qarşılaşmanı Yunanıstandan olan hakimlər briqadası idarə edəcək.

Xatırladaq ki, AÇ-2024-ün final mərhələsinə vəsiqə uğrunda mübarizə aparan Avstriya yığması 13 xalla bu qrupda 2-ci pillədə qərarlaşıb.

Bu səbəbdən qonaqlar Bakıdan qələbə ilə qayıtmağa iddialıdır. Amma 3 gün öncə səfərdə Estoniyaya qalib gələn millimiz də doğma meydanda xal və xallar qazanmağa çalışacaq. Bu gün yığmamızın qrupunda Belçika – İsveç oyunu da baş tutacaq.
AÇ-2024-ün seçmə mərhələsi

F qrupu

17 oktyabr

20:00. Azərbaycan – Avstriya

Baş hakim: Aristotelis Diamantopulos

Baş hakinin köməkçiləri: Konstantinos Psarris, Andreas Meintanas

Dördüncü hakim: Anastasios Papapetru

VAR: Angelos Evangelu

AVAR: Vasileios Fotias (Hakimlər briqadası Yunanıstandandır)

Bakı. Tofiq Bəhramov adına Respublika stadionu.

Rəşad Rafiqoğlu, Bizim.Media