Millimizin keçmiş üzvü mini futbol klubuna keçir

Futbol üzrə milli komandamızın keçmiş üzvü Ruslan Abışov böyük futboldan gedir.

Bizim.Media xəbər verir ki, Premyer Liqa klublarından sərfəli təklif almayan təcrübəli müdafiəçi karyerasını mini futbolda davam etdirəcək. 

Belə ki, 36 yaşlı futbolçu yaxın günlərdə mini futbol klublarından biri ilə müqavilə bağlayacaq. Abışovun son olaraq “Zirə”də çıxış etdiyini nəzərə alsaq, çox güman ki, onun yeni klubu da qəsəbənin adını daşıyan mini futbol komandası olacaq. 
Qeyd edək ki, Azərbaycan futbolunun ən istedadlı futbolçularından biri olan Abışov “Neftçi”, “İnter”, Sabah”, “Xəzər Lənkəran”, “Qəbələ” və Rusiyanın “Rubin” klubunun da şərəfini qoruyub.

Rəşad Rafiqoğlu, Bizim.Media