“Neftçi” bu gün iki futbolçu ilə müqavilə bağlayacaq

“Neftçi” bu gün iki futbolçu ilə müqavilə bağlayacaq. 

Bizim.Media xəbər verir ki, həmin oyunçulardan biri yeni legionerdir. 

Bir neçə gündür Bakıda olan yarımmüdafiəçi Dieqo Valdeslə danışıqlar yekunlaşıb. Paraqvaylı oyunçu ilə 2+1 illik müqavilə rəsmən elan olunacaq.

29 yaşlı legionerin 6 nömrəli formanı geyinəcəyi gözlənilir. Digər müqavilə İsmayıl Zülfüqarlı ilə bağlıdır.
Klubun yetirməsi olan, 2019-cu ildən əsas heyətə cəlb olunan 22 yaşlı futbolçu bu gün bir illik yeni müqaviləyə imza atacaq. Anlaşması başa çatan futbolçunu itirmək istəməyən “Neftçi” onunla çoxdan əldə edilmiş razılaşmanı rəsmiləşdirəcək. 

Rəşad Rafiqoğlu, Bizim.Media