"Sabah” yeni transferini açıqladı - VİDEO

Növbəti mövsüm üçün transfer çalışmalarını davam etdirən “Sabah” daha bir futbolçuyla anlaşıb.

Bizim.Media xəbər verir ki, lüksemburqlu yarımmüdafiəçi Vensan Till ilə 2 illik müqavilə bağlanıb. 

23 yaşlı futbolçu Fransanın “Mets” klubunun yetirməsidir. O, karyerası ərzində bu klubun əsas və əvəzedici komandasında (2016-2018), həmçinin Fransanın “Po” (2018-2019), “Orleans” (2019-2020), Portuqaliyanın “Nasional” (2020-2021) klublarında çıxış edib.

2021-ci ildə Ukraynanın “Vorskla” klubuna transfer edilən futbolçu, son iki mövsümdə icarə əsasında İsveçin “Örebro” (2022) və AİK (2022-2023) klublarında oynayıb.

Lüksemburq millisinin də üzvü olan Till, yığma komandanın heyətində 48 oyun keçirib, 3 qola imza atıb. Yeni transfer “Sabah”da 12 nömrəli formada çıxış edəcək.

Rəşad Rafiqoğlu, Bizim.Media