Mahir mövsümü \"Beşiktaş\"a qol vurmaqla başa vurdu - VİDEO 

Bu gün Türkiyə çempionatında sonuncu turun oyunu keçirilib. 

Bizim.Media xəbər verir ki, Azərbaycan millisinin hücumçusu Mahir Emrelinin çıxış etdiyi "Konyaspor" səfərdə "Beşiktaş"la qarşılaşıb.  

Oyuna ehtiyat oyunçular skamyasında başlayan Emreli 46-cı dəqiqədə meydana çıxıb. O, meydana daxil olduqdan 1 dəqiqə sonra 47-cı dəqiqədə komandasının 2-ci, bərabərlik qolunun müəllifi olub.  
Beləliklə, qışda "Konyaspor"a keçən Emreli Türkiyə superliqasında 2-ci qolunu vurub. Görüş 3:3 hesabı ilə yekunlaşıb. 

"Beşiktaş" 78 xalla 3-cü, "Konyaspor" 51 xalla 8-ci yerdə çempionatı başa vurub. Xatırladaq ki, bu mövsümün qalibi "Qalatasaray" (85 oyun) olub.  

7 iyun 

"Beşiktaş" - "Konyaspor" - 3:3  

Qollar: Fernandes, 6 (1:0), Muleka, 41 (2:0), Ulgun, 45+2 (2:1), Emreli, 47 (2:2), Pozuelo, 51 (2:3), Bingöl, 62 (3:3) 

Qırmızı vərəqə: Olgun, 66 ("Konyaspor") 
 

Bizim.Media