"Qərb Avrasiyanın yeni meqalayihəsi olan Zəngəzur - İstanbul kanalı nəqliyyat qovşağının Rusiyanın və Türkiyənin nəzarəti altında olmasına barışmayacaq”.
Sfera.az-ın məlumatına görə, bunu politoloq Zaur Məmmədov deyib.
Onun sözlərinə görə, ABŞ Avrasiyanın orta xətt nəqliyyat xəttini Pekin - Moskva - Ankara ilə bölüşmək fikrində deyil:
"Bayden "soyqırım” terminini ortaya atmaqla erməni məsələsini aktuallaşdırmağa çalışacaq. Digər maraqlı xəbər ötən gün Parisdən gəlib. 24 apreldə Fransa senatının spikeri və Fransanın Avropa işləri üzrə dövlət katibi Qarabağla bağlı qırmızı cizgini keçən bəyanat verdilər. Belə ki, Fransanın yüksək dövlət məmurları Dağlıq Qarabağın müstəqilliyinin Fransa hökuməti və bütün Aİ dövlətləri tərəfindən tanıdılması üçün əllərindən gələni edəcəklərini bəyan etdilər”.
Politoloq qeyd edib ki, bununla da artıq Azərbaycana olan çağırışlar bəlli olmağa başlayır.
Türkan
Sfera.az
