12 fevral tarixində Şəki Olimpiya İdman Kompleksində, "Olimpik Şəki BK" və "Sərhədçi PİK" basketbolçuları arasında 17-ci turun növbəti oyunu baş tutub.
Bizim.Media xəbər verir ki, görüşə üstün başlayan "Sərhədçi PİK", parketdən 106-83 hesablı qələbə ilə ayrılaraq turnir cədvəlinin ikinci pilləsindəki mövqeyini qoruyub saxlayıb.
Ən məhsuldar basketbolçular: "Olimpik Şəki BK" ( Larri Robinson - 27 xal, 6 asist ), "Sərhədçi PİK" ( Endar Poladxanlı - 41 xal, 13 ribaund ).
Qeyd edək ki, 17-ci turun son oyunu ( "Sabah BK" - "Neftçi İK" ) 13 fevral tarixində keçiriləcək.
Rəşad Rafiqoğlu, Bizim.Media
