Avropa çempionu, komandaların yarışında dünya çempionatının qalibi, tanınmış şahmatçı Yevgeni Tomaşevski bir müddət ölkəmizdə fəaliyyət göstərəcək.
Bizim Media xəbər verir ki, şahmatda böyük təcrübəyə malik Yevgeni Tomaşevski yeniyetmə və gənc şahmatçılar, o cümlədən qadınlardan ibarət Azərbaycan yığmasının hazırlığı ilə məşğul olacaq.
Azərbaycan Şahmat Federasiyası yeniyetmə və gənclərin, eyni zamanda qadınlardan ibarət yığma komandanın hazırlıq səviyyəsini artırmaq məqsədi ilə Yevgeni Tomaşevskinin təlim-məşq toplanışına cəlb olunması barədə qərar qəbul edib. Şahmatçıların hazırlığı fərdi inkişafına uyğun xüsusi proqramla keçiriləcək.
Qeyd edək ki, dünyanın tanınmış şahmatçılarından olan Yevgeni Tomaşevski iki dəfə Rusiya çempionatında qızıl medal qazanıb. Bununla yanaşı o, Saratov klubunun heyətində iki dəfə Avropa Kubokunun qalibi olub. Hazırda şahmatçı 2694 xal ilə FİDE reytinqində 44-cü pillədə qərarlaşıb.
Rəşad Rafiqoğlu, Bizim.Media
- A-
- A
- A+
İdman
16:38 / 18.01.2023
Rusiyalı şahmatçı Azərbaycan yığmasında çalışacaq
Hazırda oxunan: Rusiyalı şahmatçı Azərbaycan yığmasında çalışacaq
Hazırda oxunan: Rusiyalı şahmatçı Azərbaycan yığmasında çalışacaq
115427
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
