“Sumqayıt” “Səbail”in sabiq futbolçusu ilə maraqlanır

Qış fasiləsində artıq bir neçə futbolçu ilə vidalaşan “Sumqayıt” heyəti gücləndirmək üçün axtarışlarını davam etdirir.  

Bizim.Media xəbər verir ki, komandanın maraqlandığı daha bir futbolçunun adı məlum olub.

Bu, Liberiya millisinin üzvü Camal Araqodur. Mərkəz müdafiəçisi vaxtilə ölkəmizdə çıxış edib.

O, 2021/22 mövsümün “Səbail”də keçirib. 29 yaşlı arxa xətt oyunçusu hazırda Səudiyyə Ərəbistanının “Ohod” klubunda oynayır. Araqonun hazırda klubu ilə müqaviləsinin olması transferin baş tutmasını əngəllləyə bilər. Əgər klublar arasında razılıq əldə olunsa, Araqonu qışdan sonra yenidən Premyer Liqamızda görə bilərik. 

Bizim.Media