Balakən rayonunda toyda insident baş verib.
Balakən Rayon Mərkəzi Xəstəxanasından verilən məlumata görə, sentyabrın 3-ü gecə saat 22:45 radələrində rayonun Yeni Şərif kənd sakini, 1987-ci il təvəllüdlü Məhəmməd Əli oğlu Kiriyev və Balakən şəhər sakini, 1979-cu il təvəllüdlü Telman Rauf oğlu Soltanov xəsarətlə xəstəxananın travmatologiya şöbəsinə yerləşdiriliblər.
Hazırda onların vəziyyəti orta-stabil hesab olunur.
Araşdırma zamanı məlum olub ki, Əli Kiriyev və Telman Soltanov Balakən şəhərində fəaliyyət göstərən şadlıq evlərinin birində keçirilən toy mərasimində yaranan dava nəticəsində xəsarət alıblar.
Baş vermiş hadisə ilə bağlı hələki saxlanılan yoxdur.
Araşdırma aparılır. (ans)
