Məşhur rusiyalı model İrina Şeykin son paylaşımı sosial mediada səs-küy yaradıb.
Sfera.az bildirir ki, model “İnstaqram” hesabında hekayə paylaşıb və "Rusianzz on Wednesday..." (Ruslar çərşənbə günü...) qeydini yerləşdirib.
Şeykin “ruslar” sözünün sonundakı “s” hərfini “z” ilə əvəz etməsi Rusiyanın Ukraynaya hücumunu dəstəklədiyi istiqamətində fikirlərin yaranmasına səbəb olub.
Ukraynalı jurnalist Mariya Romanenko sponsorları rus modeli ilə müqavilələrini nəzərdən keçirməyə çağırıb. Hekayə 24 saatdan sonra avtomatik olaraq silinsə də, Şeykdən mövzu ilə bağlı heç bir açıqlama gəlməyib.
Xatırladaq ki, “Z” hərfi qısa zamanda müharibənin və rus ideologiyasının simvoluna çevrilib.
Türkan
