“Bakı şəhəri, Yasamal rayonu, C.Cabbarlı adına “Azərbaycanfilm” kinostudiyasının ərazisində baş vermiş yanğın nəticəsində xəsarət alan olmayıb”.
Bunu jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin rəis müavini, polkovnik Taleh Babayev bildirib.
Qeyd edək ki, dünən axşam saatlarında C.Cabbarlı adına Kinostudiyanın həyətində partlayış baş verib.
Məlumata görə, film çəkilişi üçün istifadə olunan protexnik vasitələr partlayıb və nəticədə yanğın baş verib. Yanğın qısa zamanda söndürülüb.
Bizim.Media
