Ermənistanın ilk prezidenti Levon Ter-Petrosyanın 1993-cü il iyulun 23-də "Yerkrapa" terror təşkilatının üzvləri ilə görüşündən daha bir video yayılıb.
Bizim.Media xəbər verir ki, sözügedən videonu erməni bloger Albert İsakov “Youtube” hesabında paylaşıb.
MÖVZU İLƏ B AĞLI:
Ermənistanın faşizm SİYASƏTİ – Erməni liderlərinin cinayət ETİRAFLARI – ARAŞDIRMA
Belə ki, videoda Ermənistanın həmin dövrdə müdafiə naziri olmuş Vazgen Sarkisyanın fikirləri diqqət çəkib.
Sarkisyan Ter-Petrosyanın çıxışının qalmaqallı mahiyyətini anlayaraq, həmin görüşlə bağlı məlumatların mətbuata açıqlanmasını qadağan edib.
Xatırladaq ki, 1993-cü ildə baş tutan həmin görüşlə bağlı ilk video ötən həftə üzə çıxıb. Həmin görüşdə çıxış edən Ter-Petrosyan 1988-ci ilə qədər Ermənistanda 170 min azərbaycanlının olduğunu xatırladıb. Ermənistanın birinci prezidenti etiraf edib ki, azərbaycanlıların qovulması Azərbaycana qarşı ərazi iddiaları ilə çıxış edən erməni şovinistlərinin siyasətinin tərkib hissəsi olub.
Ter-Petrosyan “Yerkrapa” tərəfindən azərbaycanlılara qarşı törədilən cinayətlərdən də qürurla bəhs edib.
Bu fakt isə Ermənistan rəhbərliyinin həyata keçirdiyi etnik təmizləmə siyasətinin daha bir sübutudur.
Bizim.Media
