Keniyanın paytaxtı Nayrobidə yanacaqdoldurma məntəqəsində baş vermiş partlayış və sonrakı yanğın nəticəsində azı iki nəfər həlak olub.
Bizim.Media xəbər verir ki, bu barədə ölkənin “Standard” qəzeti yerli orqanlara istinadən məlumat yayıb.
Hadisə fevralın 1-dən 2-nə keçən gecə baş verib. Partlayış yaxınlıqdakı evlərə sıçrayan yanğına səbəb olub.
Keniyanın Qırmızı Xaç Komitəsi insident nəticəsində 298 nəfərin yaralandığını açıqlayıb. Onlardan 271-i xəstəxanaya yerləşdirilib.
Bizim.Media
