Tanınmış tarixçidən siyasi oyunbazlara xəbərdarlıq

AMEA-nın Tarix İnstitutunun aparıcı elmi işçisi, tanınmış tarixçi-pedaqoq Dilavər Əzimli Moderator.az-a açıqlamasında Azərbaycandakı siyasi oyunbazlara xəbərdarlıq edib. Rusiyanı Dağlıq Qarabağın xilaskarı kimi təqdim etməyi xalqı aldatmaq, onun hisləri ilə oynamaq kimi dəyərləndirən D.Əzimli, bu təqdimatın yalan və əsassız olduğunu, Azərbaycan xalqının başına gələn müsibətlərdə Rusiyanın hər kəsdən daha artıq pay sahibi olduğunu bildirib:

“Son dövr baş verən siyasi olaylar göstərdi ki, Rusiya Azərbaycanı ağuşuna almaq üçün bütün resuslarını işə salıbdır. Azərbaycanda Rusiya meylli qüvvələr də bu işdə önəmli rol oynamışdir. Dünya mətbuatında gedən yazılar da bunu sübut edir. Əslində, Avropa Parlamentinin Azərbaycana qarşı qətnaməsi bu istiqamətdən izah oluna bilər. Qərb Azərbaycanın Rusiyaya meyliliyindən bərk narahatdır. Bir müddət bundan qabaq ölkə qəzet və saytlarında Rusiya birmənalı şəkildə təbliğ olunurdu. Hətta müxalifət qəzetlərindən biri bu işdə özünün fəda edirdi. Onlara əməlli-başlı tapşırıq verilmişdi. Yazırdılar ki, Rusiya Ermənistanı Azərbaycana qurban verir və yeddi rayon qaytarılacaqdır. Cəmiyyət artıq buna inanırdı. Əslində, bu oynanılan siyasətin başlanğıcı idi. Bu günlərdə, Avropa Parlamentinin qətnaməsindən sonra hər şey aydınlaşdı. Bunun müqabilində hələ də üzdəniraq "politoloq"lar ekranalara çıxıb həyasızcasına Avropanı tənqid edir və erməni disporasının bu istiqamətdə fəaliyyətini qeyd edirlər. Onlar özləri də bilirlər ki, yalan danışırlar. Onlardan bir tələbimiz var: bu millətin milli hissləri ilə oynamayın! Biz bu torpaqlarda şəhidlər verdik. O şəhidlərin ruhu bizə qənim olar. Bu ölkəni nə Avropanın, nə ABŞ-ın, nə də Rusiyanın qucağına atmaq olmaz! Xalq heç kəsə bu mandatı verməyibdir. Biz də az-çox tarix oxumuşuq. Rusiyanın işğalçılıq siyasətini sizlərdən yaxşı bilirik. Rusiya heç bir zaman Ermənistanı Azərbaycana qurban verməyəcəkdir. Ermənistan onun əyalətidir. Bunu hamı bilir. Rusiya tarixçiləri də bunu yazırlar. Rusiya jurnalistləri bunu dəfələrlə bəyan ediblər. Ermənistanın duruş gətirməsi Rusiyadan asılıdr. Rusiyanın hesabına torpaqlarımızı işğal edib. Onun hesabına da orada dayanıbdır. Xocalını məhz Rusiya hərbi hissləri ilə birlikdə işğal edib qətliam törətdilər. Həmin yeddi rayonu da onların hesabına aldılar. Rusiya üçün Qafqaz böyük önəm kəsb edir. Rusiya gedib dünyanın çox ərazilərini ala bilər. Amma imperiya ola bilməz. Rusiyanı imperiya edən məhz Qafqazdır. Qafqazsız Rusiya dövlət, imperiya ola bilməz. Dönüb Moskva knyazlığına çevriləcəkdir. Bunu Rusiyada yaxşı anlayırlar. Qafqazın açarı isə Azərbaycandır. Azərbaycansız Qafqaz yoxdur. Buna görə də özünüzü yormayın! Bu xalq şəhid verdiyi bu ölkənin Rusiyanın qucağına düşməsinə imkan verməyəcəkdir!

Məsələnin digər tərəfi isə, işğal olunan torpaqlarımızdır. Biz onu silahla alacağıq. Tarixdən elə bir hal tanımıram ki, sülh yolu ilə ərazisi işğal olunan dövlətin xeyrinə torpaqlar qaytarılsın. Bu mümkün olan şey deyildir. Hesab edirəm ki, işğalçı bir dövlətin terrorçu rəhbərləri ilə danışıqlar belə düzgün deyildir. Torpaqlar müharibə ilə qaytarıla bilər. Azərbaycan cəmiyyəti bunu yaxşı bilir. Artıq qəhrəman Azərbaycan gəncliyi yetişir. Onların hesabına biz öz qədim İrəvanımızı da qaytaracağıq. Düşmənə elə zərbə vurulacaqdır ki, bir daha özünə gəlməyəcəkdir. Erməni terroristlərinin Nürenburq şəhərində olan məhkəmə kimi məhkəməsi başlanacaqdır. İlk hökm oxunan Xocalıda bəbək qatilləri Serj Sarkisyan, Robert Koçaryan və s. olacaqdır. Buna tam əminəm!”x9d

Seymur Əliyev