Rabitə və yüksək texnologiyalar naziri Əli Abbasov Avropa İttifaqının (Aİ) ölkəmizdəki nümayəndəliyinin rəhbəri Malena Mardla görüşüb.
Nazirlikdən Moderator.az -a verilən məlumata görə, görüşdə 2-5 dekabr tarixlərində Bakıda keçiriləcək “Bakutel 2015”x9d XXI Azərbaycan Beynəlxalq Telekommunikasiya və İnformasiya Texnologiyaları Sərgisi çərçivəsində Aİ ilə birlikdə “Rəqəmli Vahid Bazar”x9d mövzusunda təşkil olunacaq konfransın təfərrüatı ilə bağlı müzakirələr aparılıb.
Azərbaycanla Avropa İttifaqı arasında müxtəlif istiqamətlərdə uğurlu əməkdaşlıq təməlinin qoyulduğunu bildirən Ə.Abbasov münasibətlərin gələcək inkişafının təmin olunması üçün qarşılıqlı maraq və potensialın olduğunu qeyd edib. Nazir, xüsusən Xəzər və Qafqaz regionlarının telekommunikasiya və informasiya texnologiyaları sahəsində ən böyük sərgisi olan - “Bakutel”x9din tərəflər arasında əməkdaşlığın daha da gücləndirilməsi və növbəti mərhələyə qədəm qoyması üçün böyük və əlverişli platforma yaratdığını vurğulayıb.
Azərbaycanda son illər İKT sahəsində əldə olunan nailiyyətləri maraqla izlədiyini deyən Malena Mard qazanılan uğurların Aİ-nin Şərq Tərəfdaşlığı Proqramına üzv (Azərbaycan, Gürcüstan, Moldova, Belarus, Ukrayna və Ermənistan) ölkələr üçün yaxşı təcrübə ola biləcəyini bildirib. Səfir qeyd edib ki, bu istiqamətdə irəli sürülən təşəbbüslər qarşılıqlı təcrübə mübadiləsinin genişləndirilməsində faydalı, eyni zamanda vacibdir. Diplomat, həmçinin Şərq Tərəfdaşlığı proqramı çərçivəsində iyunun əvvəllərində Lüksemburq şəhərində baş tutan “Rəqəmsal iqtisadiyyat mövzusunda Şərq Tərəfdaşlığı ölkələri üzrə nazirlərin I görüşü”x9dnü xatırladaraq, bu görüşdən irəli gələn öhdəliklərin yerinə yetirilməsi ilə bağlı “Bakutel 2015”x9d çərçivəsində işçi qruplar tərəfindən müzakirələrin aparılmasının mümkünlüyünü diqqətə çatdırıb. M.Mard Avropa İttifaqının Brüsseldə yerləşən baş qərargahında keçirilən müzakirələrdən sonra sözügedən konfransın təşkili ilə bağlı son qərarları RYTN-in nəzərinə çatdıracağını da söyləyib.
Qeyd edək ki, bu ildə “Bakutel 2015”x9d XXI Azərbaycan Beynəlxalq Telekommunikasiya və İnformasiya Texnologiyaları Sərgisinin strateji tərəfdaşı ABŞ-ın aparıcı, dünyada məşhur “Google”x9d şirkəti seçilib.
