“İmmun çatışmazlığı virusunun törətdiyi xəstəliklər mövzusu tək bu gün üçün yox, hətta gələcəkdə də ciddi mövzu olaraq qalacaq. Bu mövzu həm də Azərbaycan və bütün dünya üçün ciddi problem olaraq qalmaqdadır”x9d.
Moderator.az xəbər verir ki, bunu İdman və gənclər
nazirinin müavini İntiqam Babayev, Milli Məclisdə “HİV haqqında”x9d qanunla bağlı
dinləmələr zamanı bildirib.
Nazir müavini qeyd edib ki, Beynəlxalq Qırmızı
Xaç Komitəsi bir neçə il əvvəl QİDC/HİV xəstəliyinin təbii fəlakətə bərabər xəstəlik
olduğunu bəyan etdi:
“Bu xəstəliyin qarşısının alınması üçün bir və
ya bir neçə ölkə deyil, bütün dünya birgə mübarizə aparmalıdır. Azərbaycanda
da bununla bağlı mübarizə metodları və qanunvericilik mövcuddur. Hətta bu qanunvericiliyin
daha da təkmilləşdirilməsi üçün monitorinqlər keçirilir, qanunlara əlavə və dəyişikliklər
edilir. Qanunlar təkmilləşdikcə, bu cür problemin aradan qaldırılması prosesi də
tezləşdirilir. Rəsmi statistikaya görə, ölkədə 5 minədək vətəndaş bu xəstəlikdən
əziyyət çəkir. Bu xəstəliklərə düçar olmuş bir çox insan özündə çətinliklə güc
toplayaraq, profilaktik tədbirlərin görülməsi üçün həkimə müraciət edir.
Onlarda belə bir fikir formalaşır ki, xəstəxanadan içəri daxil olsalar,
qonşuları, yaxın adamları onu görəcək və xəstəliyi ilə bağlı hamı xəbərdar
olacaq. Bunun qarşısını almaq üçün ölkədə maarifləndirmə tədbirləri
artırılmalıdır”x9d.
