Akif Muradverdiyev barəsində 2 aylıq həbs qərarı verildi

Prezident Aparatının keçmiş işlər müdiri Akif Muradverdiyev Bakı hava limanında saxlanılması haqda məlumat vermişdik. Bu dəqiqələrdə isə artıq onun haqqında həbs-qəti imkan tədbirinin seçilməsi haqda məlumat daxil olub. 

 "Akif Muradverdiyev barəsində Səbayel rayon Məhkəməsində hakim Rauf Əhmədovun sədrliyi ilə keçirilən prosesdə 2 ay müddətinə həbs qətimkan tədbiri seçilib". Bunu APA-ya açıqlamasında Muradverdiyevin vəkili Fuad Ağayev deyib.

F. Ağayev bildirib ki, A. Muradverdiyev xüsusi xidmət orqanlarının əməkdaşları tərəfindən saxlanılıb. Onun həbs müddətində də Milli Təhlükəsizlik Nazirliyinin istintaq təvrifxanadında saxlanılmasına qərar verilib.

Vəkil deyib ki, Muradverdiyev qaçaqmalçılıqda ittiham olunur.

Fuad Ağayev deyib ki, A.Muradverdiyev ölkəni tərk etmək istəyərkən gömrükçülər tərəfindən saxlanılıb: «Akif Muradverdiyevin saxlanılması barədə xəbəri mənə onun qohumları verdilər. Onlar bildirdilər ki, saxlanılmanın səbəbi kimi gömrükçülər onun üzərində 18 min ABŞ dolları vəsaiti qanunsuz olaraq ölkədən çıxarmaq istəməsini göstəriblər».