Redaksiyamıza bu gün gündəmi zəbt edən 23 yaşlı tələbə qızın intiharı ilə bağlı tükürpərdici iddialar daxil olub
Vahabovlar ailəsinə yaxın olan və adının çəkilməsini istəməyən şəxsin verdiyi məlumatda Nigar Vahabovanın ölümünün pərdəarxasındakı sirləri açıqlığa qovuşur.
Həmin şəxsin dediklərinə əsasən, Nigarın intihar etməsinə səbəb onun Həsən (ad şərtidir) adlı sevgilisidir. Nigarla oğlanın 3 illik münasibəti olub. Daha sonra mərhum Nigar Vahabova sevgilisinin evli olduğunu öyrənib və ondan ayrılmaq qərarına gəlib.
Həsən (ad şərtidir) isə ayrılığa razı olmayaraq Nigara müxtəlif yollarla təzyiqlər göstərib. Nigarı onda olan uyğunsuz fotoları ilə şantaj edib. Bütün bunlara dözməyən gənc qız çıxış yolunu intiharda görüb.
Mənbənin daha bir iddiasına görə, Nigarın meyidini ipdən asılı vəziyyətdə ilk tapan da elə həmin oğlan olub. Onun meyidini ipdən açaraq yatağa uzatdıqdan sonra təlaşla hadisə yerindən qaçıb.
Həmin şəxsin Yasamal polisi tərəfindən həbs olunduğu bildirilir.
Qeyd edək ki, Nigar Vahabova dünən Bakıda 23 yaşlı qız yaşadığı evdə özünü asaraq intihar edib. Hadisə fevralın 8-i saat 19 radələrində Yeni Yasamal 2, bina 5 ünvanında qeydə alınıb. N.Vahabova Koorperasiya Universitetinin 3-cü kurs tələbəsi olub.(Ölkə.Az)
