Bunu Moderator.az-a açıqlamasında hərbi ekspert Tərlan Eyvazov bildirib.
Ekspert deyib ki, bu, hərbi nizamnaməyə uyğun atılan bir addımdır: "Sadəcə bir məsələ medianı narahat edir ki, Qorxmaz Qarayevla Fəxrəddin Cəbrayılov aşağı vəzifəyə keçirilmişdilər. Amma burda bir məqam var ki, onlar haqqındakı əmrdə hansısa nöqsanlarla bağlı hansısa qeyd yoxdur. Onlar sadəcə başqa vəzifəyə keçiriliblər. Mən Fəxrəddin Cəbrayılovu yaxından tanıdığıma görə, bilirəm ki, o səhhəti ilə bağlı ehtiyata buraxılmaq istəyirdi. Hətta o qospitalda yatanda yanına da getmişdim. Amma vəziyyət dəyişdi, onu daha yüksək vəzifəyə gətirdilər. Daha sonra prezident ona general rütbəsi verdi. İndi onun xəstəliyə görə ehtiyata buraxılmasında sensasiya axtarmaq lazım deyil. Doğrudur, Fəxrəddin Cəbrayılovun rəhbərlik etdiyi idarədən üç nəfər həbs edilmiş, bir nəfər isə vəzifəsindən azad olunmuşdu. Təbii ki, hətta qurum rəhbərinin günahı olmasa belə işçilərinin etdiklərinə görə məsuliyyət daşıyır. Buna görə, Fəxrəddin Cəbrayılovun vəzifəsi dəyişdirildi, ancaq ona hansısa ittiham elan olunmadı".
Tərlan Eyvazov ümid etdiyini bildirib ki, ehtiyata göndərilən və kifayət qədər təcrübəsi olan generalların bilik-bacarıqlarından gələcəkdə də istifadə olunacaq.
