Noyabrın 13-də Fransanın paytaxtı Paris şəhərində törədilən və xeyli sayda insanın ölümünə yol açan terror aktları bütün dünyada ciddi rezonansa səbəb olub. Terror aktından dərhal sonra dünyanın bir çox dövlətləri Fransa dövləti və xalqı ilə həmrəy olduqlarını, hər cür terror və zoraklığı lənətlədiklərini bildirib.
Hadisədən sonra yalnız
Fransada deyil, Qərbin digər ölkələrində də təhlükəsizlik tədbirləri gücləndirilib
ki, bu da yeni terraktların qarşısını almağa hesablanıb.
Fransadakı terror aktı və
bu terror aktının doğuracağı siyasi dəyişikliklərə diqqət çəkən bəzi siyasilər
hesab edir ki, daha çox Asiya, Afrika, Cənubi Amerika üçün xarakterik olan,
sanki bir növ buradakı dövlətlərin “alnına yazılan”x9d terror aktlarıının Qərbə
yol tapması, Avropa dövlətlərinin həyatının bir hissəsinə çevrilməsi onların bu
məsələdəki həssaslığını artırmaqla yanaşı, Qarabağ, Abxaziya,Cənubi Osetiya,
Krım və Donbas kimi problemlərin həllinə daha az diqqət ayırmasına səbəb olacaq.
Bu qəbildən olan siyasilərin fikrincə, bundan sonra Avropa bilavasitə ona yönəlik
terror aktların qarşısını alınmasına daha çox güc və diqqət ayıracaq ki, bu da
Qarabağ və oxşar problemlərin həllini onun üçün ikinci dərəcəli edəcək.
Maraqlıdır, Avropada
terrorizmin genişlənməsi Qarabağ problemin həllini ikinci plana keçirə bilərmi?
Doğrudanmı bu vaxta qədər beynəlxalq aləmdə müxtəlif münaqişələrin həllində
yaxından iştirak edən Qərb, bundan sonra yalnız öz təhlükəsizliyinin qeydinə
qalmaqla problemli ölkələri öz problemləri ilə baş-başa buraxacaq?
Məsələ ilə bağlı Moderator.az-a
açıqlama verən Azad Demokratlar Partiyasının sədri, politoloq Sülhəddin Əkbər bu
hadisələr arasında əlaqə görmədiyini vurğuladı:
“Mən bu iki hadisə
arasında birbaşa əlaqənin mövcudluğunu düşünmürəm. Hesab edirəm ki, Qarabağ
problemi və post-sovet məkanındakı digər problemlərin arxa plana keçməsinə səbəb
Ukrayna hadisələridir. Baş verənləri bu konteksdə dəyərləndirmək daha
doğrudur. Həm ABŞ, həm Avropa Birliyi, həm
də NATO üçün çox önəmli məsələ olan Krımın və Donbasın işğalı, indiki halda
terrora münasibət baxımından arxa plana keçibsə, Qarabağ məsələsi heç ikinci
planda da yoxdur. Bu problem Qərb üçün olsa-olsa üçüncü plandadır”x9d.
Seymur Əliyev
