Ötən ilin noyabr ayında Bakıda keçirilən COP29-da könüllü olan şəxslərə xüsusi pul mükafatı ayrılıb.
Bizim.Media xəbər verir ki, xüsusi pul mükafatı yalnız Azərbaycan Respublikasının Prezidenti İlham Əliyevin imzası ilə onlara verilən xüsusi təşəkkürnaməni 8-14 yanvar tarixində COP29-dan əldə edən könüllülərə verilir.
Xüsusi pul mükafatının məbləği 1500 manatdır.
Qeyd edək ki, könüllülər şəxsiyyət vəsiqələri ilə istənilən "Kapital Bank" filialına yaxınlaşaraq xüsusi pul mükafatını əldə edə bilərlər.
Xatırladaq ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) noyabrın 11-22-də keçirilib. COP29-da ümumilikdə 3 minə yaxın könüllü iştirak edib.
Bizim.Media