Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində noyabrın 20-də Türkiyənin nəqliyyat və infrastruktur naziri Abdulkadir Uraloğlu Türkiyə stendini ziyarət edib.
Bizim.Media xəbər verir ki, nazir jurnalistlərə açıqlamasında COP29-un dünya miqyasında böyük hadisə olduğunu söyləyib, Azərbaycanın bu tədbirə çox uğurla ev sahibliyi etdiyini deyib.
MÖVZU İLƏ BAĞLI:
COP29-un onuncu günü NƏLƏRLƏ yadda qaldı? - VİDEOBAĞLANTI
Abdulkadir Uraloğlu COP29-da müzakirə olunan məsələlərin vacibliyini vurğulayaraq deyib:
“Belə tədbirlər müəyyən mənada dönüş və ya başlanğıc nöqtələridir. Bu, dünyada məlumatlılığı artırmaq üçün yaxşı fürsətdir. Fikrimcə, qarşıya qoyduğumuz məqsədlərə çatacağıq”.
COP29-a böyük maraq olduğunu qeyd edən A.Uraloğlu deyib:
“Türkiyə olaraq, bu, bizi sevindirir. Lakin hər birimiz ətraf mühiti qorumaq üçün üzərimizə düşən məsuliyyəti dərk etməliyik”.
Bizim.Media
