Səudiyyə Ərəbistanının Kralı Səlman bin Əbdüləziz bu il Həcc mərasimi zamanı baş vermiş faciə ilə əlaqədar bir neçə şəxsi vəzifəsindən azad edib.
Moderator.az APA-ya istinadən xəbər verir ki, Kral Həcc işləri üzrə nazir Bender bin Məhəmməd əl-Hacar, Məkkənin bələdiyyə başqanı Usamə Fadl Əl Barr və şəhərin polis rəisini vəzifəsindən azad edib.
Qeyd edək ki, bu il sentyabrın 24-də Həcc ziyarətinə getmiş zəvvarların Mina dağında “şeytan daşlama”x9d mərasimi zamanı yaranmış izdihamda 769 nəfər ölüb, minə qədər insan xəsarət alıb.
Hadisə ilə bağlı Kralı Selman bin Əbdüləzizin göstərişi ilə araşdırma başladılıb.
