Ukraynada müharibə nə vaxt sona çatacaq? - Generaldan AÇIQLAMA

Rusiya ordusunun Ukrayna ərazisindən tamamilə çıxarılması müharibənin bitməsi demək deyil.

Bizim.Media xəbər verir ki, bu sözləri Ukrayna Silahlı Qüvvələri Baş Qərargah rəisinin keçmiş müavini, general-leytenant İqor Romanenko “Obozrevatel” nəşrinə müsahibəsində deyib.

“Müharibə o vaxt sona çatacaq ki, bütün işğal olunmuş ərazilər geri qaytarılacaq və Rusiyada rejim dəyişəcək. Yeni liderlə  Ukraynanın təhlükəsizliyinin bir daha pozulmaması üçün sazişlər bağlanmalıdır”, deyə o, qeyd edib.

Romanenko əlavə edib ki, hazırda Ukrayna rəhbərliyi 1991-ci il sərhədlərinə qayıtmaq üçün mübarizə aparır:

"Əgər əvvəllər söhbət fevralın 23-dək sərhədlərə qayıtmaqdan gedirdisə, indi bu qədər qurban və itkilərdən sonra Ukrayna təkcə hərbi deyil, həm də siyasi təşəbbüsü ələ keçirib. Ona görə də yanaşma tamamilə fərqlidir".

Bizim.Media