Türkiyəli youtuber Avstriyada HƏBS EDİLDİ - VİDEO

Avstriya polisi Türkiyəli youtuberi saxlayıb.

Bizim.Media xəbər verir ki, Avstriyanın paytaxtı Vyanada “YouTube” videoları çəkən Məsut Can Erayın bir qadını geyiminə görə təhqir etməsi sosial mediada gündəm olub.

Belə ki,  küçə reportajı zamanı yolda gördüyü bir qadına geyimindən dolayı “utanmırsan belə geynirsən, buradan ailələr keçir, insanların dəstəmazını pozursan. Sən çox tərbiyəsiz birisən”, -deyərək təhqir edib. Görüntülərdə gənc qadının türk dilini bilmədiyindən təhqirlərə gülümsəyərək cavab verməsi əks olunub. 

Sözügedən videonu izləyənlər youtuberi tənqid atəşinə tutaraq məsuliyyətə cəlb olunmasını tələb ediblər.

Çox keçmədən Vyana Polis Departamentinin rəsmi “Twitter” hesabında məsələ ilə bağlı “Polis bölməsinə məlumat  göndərilib”,- deyə tvit atılıb.

Bizim.Media