Moldovanın Rumıniyaya birləşdirilməsi xəbərinə Kremldən REAKSİYA

“Kremldə Rumıniyanın Moldova ilə bağlı planları barədə ətraflı məlumat yoxdur”.

Bizim.Media xəbər verir ki, bu fikirləri Rusiya prezidentinin mətbuat katibi Dmitri Peskov səsləndirib.

"Mən deməzdim ki, bizim bu məsələ ilə bağlı hər hansı təfərrüatlı məlumatımız var. Digər tərəfdən yaxşı bilirik ki, Moldovada müəyyən qüvvələr var ki, onlar birləşmənin deyil, tamamilə Rumıniya tərəfindən ələ keçirilməsinin tərəfdarıdırlar.

Həqiqətən belə qüvvələr var, bu haqda bilirik”. Peskov Moldovanın keçmiş prezidenti İqor Dodonun Moldovanın Rumıniyaya birləşdirilməsi ilə bağlı planını şərh edib.
O, Moldovanın Rumıniyaya birləşəcəyi təqdirdə Dnestryanıdakı rus sülhməramlıları üçün təhlükə yaranıb-yaramayacağı sualına belə cavab verib:

“Hələ də heç bir birləşmə yoxdur, ona görə də bu sual kifayət qədər ritorikdir”.

Bizim.Media