“Zelenskinin sözləri kimsə tərəfindən yazılmış mətndir” - Zaxarova 

Rusiya XİN sözçüsü Mariya Zaxarova Ukrayna Prezidenti Vladimir Zelenskinin rusiyalı həmkarı Vladimir Putinlə danışıqlara hazır olması barədə açıqlamasını şərh edib.  

Bizim.Media xəbər verir ki, o, bu barədə “Sputnik” radiosuna müsahibəsində bildirib. 

Zaxarova Zelenskinin sözlərini “kimsə tərəfindən yazılmış mətn” adlandırıb:

“Kiyevdən səslənən açıqlamaları yenidən yoxlamaq lazımdır”. 

Sözçü həmçinin bildirib ki, Qərb ölkələri problemin həlli kimi sülh yolu ilə nizamlanmanı görmək istəmir: 

“Vaşinqtonun və NATO mərkəzli Qərbin konsepsiyası ondan ibarətdir ki, Ukrayna məsələsinin həllində heç bir sülh yolu ilə nizamlanmadan söhbət gedə bilməz”.  

Bizim.Media