Zelenski “Tallinn gerbi” mükafatını aldı - FOTO

Ukrayna Prezidenti Volodimir Zelenski ona xüsusi şərəf əlaməti olaraq verilən “Tallinn gerbi”ni qəbul edib.

Bizim.Media xəbər verir ki, bu barədə Prezident Aparatının Telegram kanalında yayılan məlumatda deyilir.

Qeyd olunur ki, Zelenskinin mükafatlandırılması ilə bağlı qərarı mayın 5-də Tallinn Şəhər Şurası qəbul edib.

Prezident Aparatı əlavə edib ki, Tallinn şəhərinin meri Yevgeni Osinovski prezidentə verilən mükafatı Estoniyada səfərdə olan Ukrayna Ali Radası sədrinin birinci müavini Aleksandr Korniyenkoya təqdim edib.

Osinovski qeyd edib ki, bu mükafat Tallinn və onun sakinlərinin Ukrayna xalqı ilə həmrəyliyini, Rusiya Federasiyasına qarşı qəhrəmancasına mübarizəyə dəstəyini nümayiş etdirir.

Bizim.Media