ABŞ prezidenti Co Bayden Ukrayna üçün Lend-Liz haqqında qanunu imzalayıb.
Bizim.Media xəbər verir ki, bu barədə Ağ Evin sözçüsü Angela Peres məlumat verib.
Lend-Liz (ingilis dilindən "borc vermək və ya icarəyə götürmək kimi tərcümə edilə bilər) dövlətlərin İkinci Dünya Müharibəsi zamanı müttəfiqlərini sursat, avadanlıq, yanacaq, ərzaq və digər yardımlarla təmin etdiyi bir proqramdır.
Qanun 1941-ci ilin martında qəbul edilib və 1945-ci ilin sentyabrında başa çatıb. Onun təsdiqi münaqişədə dönüş nöqtəsi hesab olunub, çünki bu, silahların prosessual maneələr olmadan ötürülməsinə imkan verib.
Ukrayna üçün kredit-icarə qanun layihəsi hələ Rusiyanın Ukraynaya tammiqyaslı işğalı başlamazdan əvvəl - 2022-ci ilin yanvarında ABŞ Senatında hazırlanıb.
Qanun layihəsi Ukraynaya hərbi yardımın çatdırılmasında bürokratik maneələri aradan qaldırmalıdır. Bu, ABŞ prezidentinə Ukrayna hökuməti ilə Rusiyanın təcavüzündən qorunmaq üçün silah tədarükünə dair saziş bağlamaq üçün genişləndirilmiş səlahiyyətlər verir.
Qanun qüvvəyə mindikdən sonra Baydenin Ukraynaya silahların çatdırılması üçün sürətli prosedur hazırlamaq üçün 60 gün vaxtı olacaq.
Ukrayna üçün şərtlər İkinci Dünya Müharibəsi zamanı müttəfiqlərin şərtlərinə bənzəyir, təchizat üçün əvvəlcədən pul ödəməyə ehtiyac yoxdur.
Bizim.Media
SIGNED: Ukraine Democracy Defense Lend-Lease Act of 2022 ?? pic.twitter.com/OgTG4sqHbv
— Angela Perez (@ADCPerez46) May 9, 2022
SIGNED: Ukraine Democracy Defense Lend-Lease Act of 2022 ?? pic.twitter.com/OgTG4sqHbv
— Angela Perez (@ADCPerez46) May 9, 2022
