Zelenski Rusiya ilə danışıqlar haqda: “Xalq müharibənin bitməsini istəyir, amma bizim şərtlərimizlə\"

Prezident Volodimir Zelenski deyib ki, Kiyev NATO-nun üzvü olsaydı, Rusiyanın Ukraynaya müdaxiləsi baş verməzdi. 

Bizim.Media xəbər verir ki, o, bu barədə Associated Press-ə müsahibəsində bildirib.

“Əgər biz NATO-da olsaydıq, bu müharibə olmayacaqdı, hər şey başqa cür cərəyan edəcəkdi. Bizim söykənəcəyimiz yaxın qonşularımız olardı, birlikdə vuruşardıq. Amma əminəm ki, müharibə başlamayacaqdı”, - Zelenski deyib.

Ukrayna prezidenti bildirib ki, Qərb tərəfdaşları tərəfindən verilən bəzi silah növləri Ukraynaya çox gec gəlib. O, bir sıra Avropa liderlərindən “100 faiz dəstək” gördüyünü, digərlərinin isə mövqelərinin dəyişdiyini vurğulayıb.

Rusiya ilə sülh danışıqlarından danışan Zelenski qeyd edib ki, ukraynalılar müharibənin bitməsini və sülhü qəbul etməsini istəyirlər, lakin öz şərtlərimizlə:

“İnsanlar onsuz da sülhü qəbul edəcəklər, çünki müharibənin bitməsini istəyirlər. Bizim şərtlərlə, müstəqillik şərtləri ilə, Ukrayna şərtləri ilə... Övladlarını itirmiş insanlar var və mən hesab edirəm ki, onları istənilən sülh qane etməyəcək, çünki itkiləri böyükdür”.

“Nə qədər ağır olsa da, başa düşməliyik ki, istənilən müharibə sülhlə və milyonlarla insanın ölümü ilə başa çatmalıdır. Bəli, mübarizə aparmalıyıq, amma həyat üçün mübarizə aparmalıyıq. Ancaq insanlar olmayanda sadəcə toz üçün döyüşə bilməzsən.  Ona görə də bu müharibəni dayandırmaq çox vacibdir. Düzdür, emosional cəhətdən çox çətindir. İnsanlarımıza işgəncə verənlərlə heç kim danışıqlar aparmaq istəmir... Amma diplomatik həll imkanımız varsa, onu itirə bilmərik”, deyə o yekunlaşdırıb.

Bizim.Media