Rusiya Müdafiə Nazirliyi Kiyev və Çerniqov istiqamətlərində hərbi aktivliyi kəskin şəkildə azaltmaq qərarına gəlib.
Bizim.Media xəbər verir ki, bu barədə Rusiya Federasiyası müdafiə nazirinin müavini, general-polkovnik Aleksandr Fomin İstanbulda Rusiya-Ukrayna danışıqlarının yekunlarına dair açıqlamasında bildirib.
MÖVZU İLƏ BAĞLI:
Rəsmi Kiyev İstanbul danışıqlarının ilk detallarını açıqladı
“Ukraynanın neytrallığı və qeyri-nüvə statusu haqqında müqavilənin hazırlanması, eləcə də Ukraynaya təhlükəsizlik zəmanətlərinin verilməsi üzrə danışıqların bugünkü görüşdə müzakirə olunan prinsiplər nəzərə alınmaqla praktiki fəaliyyətə keçməsi səbəbilə Rusiya Federasiyasının Müdafiə Nazirliyi qarşılıqlı etimadı artırmaq, gələcək danışıqlar üçün lazımi şərait yaratmaq və son məqsədə (yuxarıda göstərilən sazişin təsdiq edilməsinə və imzalanmasına) nail olmaq üçün Kiyev və Çerniqov istiqamətlərində hərbi fəaliyyəti radikal şəkildə azaltmaq qərarına gəldi” – deyə Fomin qeyd edib.
Bizim.Media