ABŞ Türkiyə ilə S-400-lərlə bağlı danışıq apardığını təsdiqlədi - Ukraynaya veriləcək?

Pentaqon S-400 zenit-raket komplekslərinin Kiyevə göndərilməsilə bağlı Ankara ilə danışıqlar aparıldığını təsdiqləyib. 

Bizim.Media xəbər verir ki, bu barədə bazar günü Pentaqonun sözçüsünə istinadən Sky News Arabia telekanalı məlumat yayıb.

“Biz Türkiyənin F-35 proqramına qayıtması və ondan sanksiyaların götürülməsi müqabilində S-400 sistemindən imtina etmək və onu Kiyevə göndərmək üçün Ankara ilə davamlı danışıqlar aparırıq”, deyə mənbə qeyd edib.

Xatırladaq ki, şənbə günü Reuters öz mənbələrinə istinadən xəbər vermişdi ki, ABŞ rəsmiləri türk həmkarları ilə məsləhətləşmələr zamanı Ankaranın S-400-ləri Kiyevə ötürmə ehtimalına toxunub, lakin rəsmi olaraq belə bir təklif irəli sürməyiblər. 

Bizim.Media