Polşa, Çexiya və Sloveniyanın baş nazirləri Kiyevə gələcək

Polşa, Çexiya və Sloveniya hökumət başçıları Ukrayna prezidenti və baş naziri ilə danışıqlar aparmaq üçün bu gün Kiyevə gələcək. 

Bizim.Media xəbər verir ki, bu barədə Polşa Nazirlər Kabinetinin saytında məlumat verilib.  

“Nazirlər Şurasının sədri Mateuş Moravetski və Nazirlər Şurasının Baş nazirinin müavini, Milli Təhlükəsizlik və Müdafiə Komitəsinin sədri Yaroslav Kaçinski, Çexiyanın baş naziri Petr Fiala və Sloveniyanın baş naziri Yanez Yanşa ilə birlikdə bu gün Kiyevə səfər edirlər.

Avropa İttifaqı Şurasının nümayəndələri kimi Ukrayna prezidenti Vladimir Zelenski və Ukraynanın baş naziri Denis Şmıqalla görüşəcək” – deyə məlumatda qeyd edilib. 

Bildirilib ki, səfərin məqsədi bütün Avropa İttifaqının Ukraynanın suverenliyi və müstəqilliyinə qeyd-şərtsiz dəstəyini təsdiqləmək, həmçinin Ukrayna dövlətinə və cəmiyyətinə geniş dəstək paketini təqdim etməkdir". 

Bizim.Media