ABŞ Mərkəzi Komandanlığı 13 aprel 2026-cı il saat 10:00-dan etibarən İran limanlarına daxil olan və ya oradan çıxan bütün gəmilərə qarşı dəniz blokadasına başlayacağını açıqlayıb.
Bizim.Media xəbər verir ki, bu barədə CENTCOM-un rəsmi bəyanatında deyilir.
Məlumata görə, blokada bütün ölkələrin gəmilərinə şamil olunacaq.
Bununla belə, Hörmüz boğazından İran limanları olmayan istiqamətlərə gedən və ya həmin limanlardan gəlməyən gəmilərin hərəkətinə maneə yaradılmayacaq.
ABŞ hərbi qurumu dənizçilərə rəsmi bildirişləri izləməyi və regiondakı ABŞ Hərbi Dəniz Qüvvələri ilə əlaqəni saxlamağı tövsiyə edib. Reuters-in yazdığına görə, kommersiya gəmiləri üçün əlavə təlimatların ayrıca yayılması gözlənilir.
Bizim.Media
