Kolumbiyada soyuducuda gizlənən uşaqlar boğularaq ölüb

Kolumbiyanın Vista-Hermosa şəhərində səkkiz yaşlı qız və beş yaşlı qardaşı gizlənpaç oynayarkən soyuducuda gizlənərək ölüblər.

Bizim.Media xəbər verir ki, bu barədə “Daily Mail” qəzeti məlumat dərc edib.

Faciə axşam saatlarında valideynlər qısa müddətə alış-verişə gedərkən baş verib. 20 dəqiqə sonra geri qayıtdıqdan sonra onlar uşaqları evdə tapa bilməyiblər.

Uzun axtarışdan sonra bacı və qardaş həmin vaxt elektrik şəbəkəsindən çıxarılmış köhnə soyuducunun içərisində kilidlənmiş vəziyyətdə tapılıblar.

Ata uşaqların soyuducuya girərkən qapağın təsadüfən çırpılaraq bağlanmasından şübhələnib. Tibbi səylərə baxmayaraq, onları xilas etmək mümkün olmayıb.

Bizim.Media