“İran hazırda zəif vəziyyətdədir və razılaşma əldə etmək üçün ciddi şəkildə maraq göstərir”.
Bizim.Media xəbər verir ki, bu sözləri ABŞ Prezidenti Donald Tramp deyib.
Onun sözlərinə görə, İran rəhbərliyi bunu açıq şəkildə etiraf edə bilmir, çünki daxildəki reaksiyadan ehtiyat edir.
Tramp iddia edib ki, İran tərəfi hətta ona növbəti ali lider olmağı təklif etdiyini desə də, o, bu təklifi qəbul etmədiyini vurğulayıb.
ABŞ Prezidenti əlavə edib ki, bütün bunlara baxmayaraq, Tehran Vaşinqtonla danışıqlar aparır və razılaşmaya nail olmaqda israrlıdır.
Xatırladaq ki, 28 fevralda İsrail və ABŞ İrana qarşı əməliyyatlara start verib.
Bu hücumlara cavab olaraq İran "Əsl vəd 4" əməliyyatına başlayıb. İranın raket hücumları təkcə İsraili və ABŞ bazalarını deyil, region ölkələrini, o cümlədən Azərbaycanı da əhatə edib.
Bizim.Media
