İranın yeni ali liderinin soyadı Xamenei olacaq

İranın yeni ali liderinin soyadının Xamenei olaraq qalacağı bildirilib.

Bizim.Media xəbər verir ki, bu barədə informasiyanı Ekspertlər Şurasının üzvlərindən biri yayıb.

Məlumata görə, Tehranda bu gün keçirilən toplantıda ölkənin yeni ali lideri seçilib. İran mediasının yazdığına görə, yaxın saatlarda Ekspertlər Şurasının katibi qəbul edilən qərarı rəsmi şəkildə açıqlamalıdır.

Bildirilir ki, İranın ali dini və siyasi rəhbəri 88 nəfərdən ibarət Ekspertlər Şurası tərəfindən seçilir.

Şura üzvləri isə birbaşa xalq tərəfindən keçirilən seçkilərlə müəyyən olunur.

İranın əvvəlki ali lideri Ayətullah Əli Xameneinin ölümündən sonra ölkədə yeni rəhbərin seçilməsi prosesi sürətləndirilib. Hazırda Tehranda keçirilən iclasın nəticələri və yeni liderin kimliyi ilə bağlı rəsmi açıqlamanın yaxın vaxtlarda verilməsi gözlənilir.

Bizim.Media