“Ali Məhkəmənin rüsumların ləğvi ilə bağlı qərarı absurddur” - Tramp

Tramp Ali Məhkəmənin rüsumları ləğv etməsi qərarını tənqid edib.

Bizim.Media xəbər verir ki, ABŞ prezidenti bildirib ki, onun tətbiq etdiyi rüsumların ləğvi ilə bağlı Ali Məhkəmənin qərarı “absurddur”, çünki bu qərar ona hətta simvolik ödənişlər belə tətbiq etmək imkanı vermir, lakin eyni zamanda digər ölkələrə qarşı daha sərt təzyiq alətlərini qüvvədə saxlayır.

“Bu qərarın nə qədər absurd olduğunu göstərmək üçün deyim ki, məhkəmə mənə hətta bir dollar belə tutmağa icazə vermədiyini bildirib… Amma mənə eyni ölkə ilə istənilən və bütün ticarəti və ya biznesi dayandırmağa icazə verilir.

Başqa sözlə, mən ticarəti məhv edə bilərəm. Mən ölkəni məhv edə bilərəm… Hətta dağıdıcı embarqo da tətbiq edə, istədiyim hər şeyi edə bilərəm, amma bir dollar belə tuta bilmərəm”, – deyə o qeyd edib.

Bizim.Media