Pop müğənni Yeison Ximenes və onun musiqi qrupunun üzvləri Kolumbiyada şəxsi təyyarənin qəzaya uğraması nəticəsində həlak olublar.
Bizim.Media bu barədə "El Tiempo" nəşrinə istinadən xəbər verir.
Təyyarə Paypa şəhərindən Medelyinə istiqamət alıbmış. Musiqiçilərin yanvarın 10-u axşam saatlarında orada çıxışı planlaşdırılırdı.
Hadisə təyyarə havaya qalxdıqdan qısa müddət sonra La-Vereda-Romita kəndi ərazisində baş verib. Göyərtədə iki pilot daxil olmaqla ümumilikdə altı nəfər olub. Heç kim sağ qalmayıb.
Kolumbiyalı ifaçı "Aventurero", "Ni Tengo Ni Necesito" və "El Mejor" kimi hitləri ilə geniş məşhurluq qazanmışdı.
Bizim.Media
