Qərb ölkələri və Ukrayna Kiyevə təhlükəsizlik zəmanətləri ilə bağlı demək olar ki, bütün məsələləri razılaşdırıblar. Lakin bu, sülhün mütləq əldə olunacağı anlamına gəlmir.
Bizim.Media TASS-a istinadən xəbər verir ki, bunu “istəkli koalisiya”nın görüşünün yekunlarına görə ABŞ nümayəndə heyətinin üzvü, ABŞ prezidentinin kürəkəni və sahibkar Cared Kuşner bildirib.
“Bu zəmanətlər son bir ay ərzində ukraynalılar və avropalılarla məsləhətləşmələr zamanı hazırlanıb. Deyə bilərəm ki, mənim fikrimcə, bugünkü gün çox mühüm bir mərhələ oldu”, – deyə Kuşner əlavə edib.
“Bu, sülhə nail olacağımız demək deyil, amma bu gün burada əldə olunan irəliləyiş olmadan sülh də mümkün olmazdı. Nəzərdə tuturam ki, əgər Ukrayna yekun razılaşma imzalamaq niyyətindədirsə, o, saziş bağlandıqdan sonra təhlükəsiz olacağını bilməlidir”, – deyə ABŞ nümayəndə heyətinin təmsilçisi yekunlaşdırıb.
Bizim.Media
