Səudiyyə Ərəbistanı alkoqol satılan yeganə mağazaya çıxışı genişləndirərək varlı xarici rezidentlərə spirtli içkilər almağa icazə verib.
Bizim.Media xəbər verir ki, bu barədə Associated Press məlumat yayıb.
2024-cü ilin yanvarında Ər-Riyadın diplomatik məhəlləsində qeyri-müsəlman diplomatlar üçün açılan mağaza indi premium yaşayış icazəsi olan əcnəbilər üçün də əlçatan olub.
Bu status investorlar, sahibkarlar və unikal bacarıqlara malik mütəxəssislərə verilir.
Krallıqda alkoqol 1950-ci illərin əvvəllərindən qadağan edilib. Yeni qərar vəliəhd şahzadə Məhəmməd bin Salman və kral Salman tərəfindən həyata keçirilən liberallaşma siyasətinin bir hissəsidir; məqsəd turizmin inkişafı, biznesin cəlbi və neftdən asılılığın azaldılmasıdır.
Son illərdə Səudiyyə Ərəbistanı kinoteatrlar açıb, qadınlara avtomobil idarə etməyə icazə verib və iri musiqi festivalları təşkil edib. Bununla belə, siyasi çıxışlar və fərqli fikirlər hələ də qadağandır.
Bizim.Media
