Toyota yeni RAV4 krossoverini Çin bazarı üçün qismən dəyişdirməli oldu.
Bizim.Media Rusiya mətbuatına istinadən bildirir ki, Çin Bazarı üçün hazırlanan Toyota RAV4 digər bazarlarda satılan krossoverlərdən daha aqressiv dizayna malikdir.
Çin Toyota RAV4-ın monitor ekranı qlobal krossoverdən daha böyükdür və xüsusi multimedia sisteminə malikdir. Mərkəzi displeyin diaqonal ölçüsü 15,6 düymdür (qlobal krossoverdə 10,25 və ya 12,9 düym).
Digər vacib fərq mühərrik çeşididir. Qlobal bazarda RAV4 yalnız hibrid güc aqreqatları ilə təklif olunsa da, Çində 171 at gücünə malik, 2,0 litrlik təbii aspirasiya mühərriki ilə (turbosuz, benzinlə) mövcud olacaq.
Bizim.Media
