Ötən gecə Rumıniyanın Borçə şəhərindəki 86-cı aviabazadan iki F-16 Fighting Falcon döyüş təyyarəsi təcili çağırışla havaya qaldırılıb və Ukrayna ilə sərhəddə hava vəziyyəti izlənilib.
Bizim.Media xarici KİV-ə istinadən xəbər verir ki, bunu Rumıniya Müdafiə Nazirliyinin mətbuat xidməti bildirib.
“Rumıniyanın hava məkanına pilotsuz uçuş aparatlarının daxil olması qeydə alınmayıb, F-16 Fighting Falcon təyyarələri Borçə bazasına geri dönüb”, — deyə məlumatda qeyd olunub.
Bundan əvvəl Rusiyanın Buxarestdəki səfirliyi Rumıniya Xarici İşlər Nazirliyinin iddia etdiyi kimi, rus pilotsuz təyyarəsinin ölkənin hava sərhədini pozması ittihamını rədd etmişdi.
Eyni zamanda Rumıniya Müdafiə Nazirliyi bildirib ki, 2022-ci ildən etibarən Ukrayna təyyarələri ölkənin hava məkanını yeddi dəfə pozub.
Bizim.Media
