“Venesuela ilə bağlı qərar qəbul etmişəm”.
“Qafqazinfo” xəbər verir ki, bu barədə ABŞ Prezidenti Donald Tramp bildirib.
ABŞ Prezidenti Venesuelaya zərbə endirilib-endirilməyəcəyi barədə suala belə cavab verib:
“Qərarımı, demək olar, vermişəm… Amma hələ deyə bilmərəm, bu qərar nədən ibarət olacaq”.
Trampın fikrincə, ABŞ-nin Latın Amerikasındakı fəaliyyəti narkokartellərə qarşı mübarizədə müsbət nəticələr verir.
Xatırladaq ki, son həftələrdə ABŞ donanması Karib dənizində aktivliyini artırıb, bölgəyə yeddi hərbi gəmi, o cümlədən idarəolunan raketlərlə təchiz edilmiş esmines göndərilib.
Bundan əlavə, ABŞ ordusu tərəfindən narkotik daşıyan gəmilərə mütəmadi olaraq raket zərbələri endirilir.
Noyabrın 14-də isə ABŞ-ın müharibə naziri Pit Heqset Venesuelada “Cənub nizəsi” adlı əməliyyatın başlandığını elan edib.
Bizim.Media




























































































