Böyük Britaniyanın baş naziri Kir Starmer ABŞ Prezidenti Donald Trampı Çini Rusiya neftindən imtina etməyə inandırmağa çağırıb.
Bizim.Media xəbər verir ki, bu barədə “Bloomberg” yazıb.
Böyük Britaniyanın baş naziri bildirib ki, Tramp ilə telefonla danışaraq Çinə təzyiq göstərilməsinin vacibliyini müzakirə edib.
Nəşr yazır ki, məqsəd Moskvanın üzərində iqtisadi təzyiqi davam etdirmək üçün Pekinin Rusiya neftinin alışını dayandırmasıdır.
“O, bu həftə Si Cinpinlə görüşəcək. Trampla məhz bu qarşıdakı görüş barədə danışdım və hesab edirəm ki, bu görüş bu baxımdan çox vacibdir”, – deyə Starmer qeyd edib.
Baş nazir əlavə edib ki, ötən həftə Hindistan və Çinin də Rusiya neftindən asılılıqlarını azaltmaları onu təəccübləndirib.
Bizim.Media





























































































