Argentinada prezidentin partiyası seçkilərdə qalib gəldi

Argentina Prezidenti Xavyer Mileyin rəhbərlik etdiyi La Libertad Avanza (“Azadlıq irəliləyir”) partiyası Konqresə keçirilən aralıq seçkilərdə səslərin 95%-i hesablandıqdan sonra 40,84% səs toplayıb. Onun əsas rəqibi “Fuerza Patria” partiyası isə 31,67% səs qazanıb.

Bizim.Media xəbər verir ki, bu barədə The Guardian yazıb.

Seçkilərin yekunlarına görə Miley Konqresdə çoxluğu əldə etməsə də, nəticə gözləniləndən daha yüksək olub.

Seçkilərdə parlamentin aşağı palatasındakı 257 yerdən 127-si, eləcə də senatdakı 72 yerdən 24-ü uğrunda mübarizə aparılıb.

Mileyin partiyası aşağı palatada 64 yer, senatda isə 12 yer qazanıb. Bu nəticə “La Libertad Avanza” partiyasına aşağı palatanın ən azı üçdə birini təmin edərək prezidentin veto hüququnu qorumağa imkan verir.

Bizim.Media